Milo Đukanović podijelio bombone

Skupština Crne Gore (mozakUbime) - Nakon što je Milo Đukanović očekivano uspješno sačuvao Vladu i tekovine 21.maja, odlučio je da nagradi svoje kolege. Kako stare tako i nove.

Posebnom uredbom Vlada je odlučila da izdvoji određena sredstva kako bi kupila veću količinu bombona i lizalica. Pošto fabrika čokolade radi, ali ne znamo šta joj je u posljednje vrijeme konditorski proizvodi su uveženi iz susjedne Srbije, na šta je Andrija Pura Popović demonstrativno skočio i nabio vaterpolo kapicu na glavu.

Članovi Vlade i poslanici vladajuće koalicije su vrlo brzo podijelili među sobom bombone, ali frka je nastala oko lizalica. Upućeni tvrde da je greškom poslata manja količina od predviđene zbog čega se Darko Pajović našao iznenađen i uvrijeđen.

Greška je brzo ispravljena, naručen je novi kontigent ali Andrija Pura Popović i dalje nije želio da skine kapicu. Dok god se makar u znak izvinjenja ne naruče lizalice zamotane u crnogorska obilježja. Za sve to vrijeme ostatak opozicije je protestvovao ispred zgrade parlamenta upućujući nove zahtjeve "još 10 minuta i ne odgovaramo".

Razlika ovog puta je to što su se DFu pridružile i ostale opozicione partije koje su u raspodjeli bombona i lizalica ostale uskraćene za svoj udio.

Sa strane pomenutih događaja i dalje stoji SDP na čelu sa Rankom i Raškom koji nikako da odluče da li imaju, gube ili nemaju sanse da dobiju svoju kolicinu glukoze, pa im je tesko odlučiti da li da krenu uz ili niz stepenice Parlamenta.

Izvor slike © flickr.com/photos/oscepa/